Hamas ta sha alwashin kare yankin ta

Kungiyar da ke rajin kare hakkin Falisdinawa ta Hamas ta kai hari da rokoki kan yankin Isra'ila a wannan Litinin. Wani mai kusanci da kungiyar ta Hamas, ya ce harin, tunatarwa ce ga Isra'ilan, cewa a shirye Hamas ta ke ta kare kanta, don kuwa, ba zata nade hannunwanta ba a yayin da ta ke ci gaba da fuskantar barazana daga Isra'ilan.

Rokoki dai kimanin takwas aka gani an harba zuwa yankin tekun Mediterranean da ke karkashin ikon Isra'ilan. Rikicin dai baya rasa nasaba da kara yawan dakarunta da Isra'ilan ta yi a kan iyakarta da yankin Zirin Gazan na Falasdinu.