1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Likitan da ya kwarmata cutar Corona ya rasu

Abdullahi Tanko Bala
February 7, 2020

Cutar coronavirus a China na kara yin kamari yayin da likitan da ya fara kwarmata yaduwar cutar ya rasu sakamakon kamuwa da ita

https://p.dw.com/p/3XOgg
China Wuhan Augenarzt Li Wenliang gestorben
Hoto: Imago Images/Ritzau Scanpix/Li/Ropix

Daya daga cikin likitoci wadanda suka fara yekuwa game da kwayar cutar coronavirus ya rasu a sakamakon kamuwa da cutar a Wuhan.

Sai da ‘yan sanda suka ja kunnen likitan Li Wenliang saboda abin da suka kira yada labaran karya da ya yi game da cutar a watan Disamba. Yana daga cikin jami’an lafiya su takwas wadanda aka zarga da yada labaran karya game da kwayar cutar.

A wannan Juma’ar ce asibitin da aka kwantar da likitan a Wuhan ya sanar da mutuwarsa. Hukumar lafiya ta duniya ta baiyana ta’aziyarta a wani sako da ta wallafa a shafin Twitter.

Adadin mutanen da suka rasu a sakamakon cutar a China ya karu zuwa 636 yawancin su a lardin Hubei inda aka fara gano bullar cutar.