1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

John Mahama ya sake dawowa madafun ikon Ghana

Abdulkarim Muhammad Abdulkarim SB
December 8, 2024

Sakamakon zaben Ghana ya nuna John Dramani Mahama na jam'iyyar NDC ke kan gaba inda tuni mataimakin shugaban kasar kuma 'dan takarar shugaban kasa a jam'iyyar NPP mai mulki Mahamudu Bawumia ya amince da shan kayi.

https://p.dw.com/p/4ntAf
Ghana I John Dramani Mahama
John Dramani Mahama ya lashen zaben shugaban kasar GhanaHoto: Xinhua/IMAGO

Mataimakin shugaban kasar Ghana kuma 'dan takarar shugaban kasa a jam'iyyar NPP Mahamudu Bawumia ya rungumi kaddara a zaben, har ya taya tsohon shugaban kasar John Dramani Mahama murnar samun nasara ta wayar tarho.

Karin Bayani: An fara kirga kuri'un zaben shugaban kasa a Ghana

Ghana | Mataimakin shugaban kasa Mahamudu Bawumia
Mahamudu Bawumia Mataimakin shugaban kasar GhanaHoto: Halil Ibrahim Baser/AA/picture alliance

Mahamudu Bawumia ya ce duk da yake ba a sanar da sakamakon zaben a hukumance ba, to amma alkaluman da ya samu sun nuna cewa Mahama ne ya samu nasarar lashe zabe, a don haka jam'iyyar ta NPP za ta mutunta ra'ayin al'ummar Ghana da suka zabi canji.

Har yanzu ba a kai ga sanar da kammalallen sakamakon zaben shugaban kasar ba, amma jam'iyyar adawa ta NDC ta sanar da cewa 'dan takararta ne ke kan gaba da kaso 56 cikin 100 na kuri'un da aka kada, yayin da take da kujeru 185 na kujerun majalisar dokokin kasa, daga cikin 276 da ake da su baki-daya. Tabarbarewar tattalin arziki na daga cikin matsalolin da suka yi wa Ghana tarnaki, inda ta fada tarkon bashin asusun ba da lamuni na duniya IMF.