1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An saki yaran da aka tsare kan zanga zanga

Uwais Abubakar Idris
November 5, 2024

Babbar kotun tarayya a Najeriya ta salami yaran da aka tsare kan zargin cin amanar kasa. Sakin nasu ya biyo bayan umarnin da shugaban kasar Bola Ahmed Tinubu ya bayar ne bayan da suka kwashe fiye da kwanaki 90 suna tsare

https://p.dw.com/p/4meq9
Yara matasa da aka saka bayan zarginsu da cin amanar kasa
Hoto: Uwais Abubakar Idriss/DW

Yaran suka kwashe fiye da kwanaki 90 suna tsare tun a watan Augusta saboda shiga zanga-zangar tsadar rayuwa da daga tutara kasar Rasha da aka danganta da cin amanar kasa sun shaki iskar ‘yanci ne bayan da babbar kotun da ke Abuja ta sallame su duka.Kotun da ke unguwar Maitama ta cika makil da ‘yan uwa da abokan arziki da ma jami'an gwamnati a zaman da yake shine na karshe da ya samar da ‘yanci ga yaran.

Yaran da aka saka bayan tsare su na tsawon watanni uku kan zanga zanga
Hoto: Uwais Abubakar Idriss/DW

Bayan da lauyan da ke gabatar da kara ya baiyana bukatar gwamnati ta janye tuhumar sai mai sharia Obiora Eguata ya sanar da sallamar yaran bisa cewa sun samu ‘yanci. Suna fitowa suka fara murna da shewa.

Murna dai har baka ga iyayen yaran da suka yi tattaki domin karbar yayan nasu da suka sami 'yanci. 

Barrister Abba Hikima shine daya daga cikin lauyoyin da suka kare yaran da aka kamo daga jihar Kano ya shaida cewa bayan sakin yaran akwai sauran magana a kasa.

Yara matasa da aka saka bayan zargin su da cin amanar kasa
Hoto: Uwais Abubakar Idriss/DW

Kungiyoyin farar hula da masu rajin kare hakokin jama'a da suka je kotun wadanda su ne suka yi ta matsin lamba kafin a kai wannan mataki sun ce akwai sauran gyara.

An dai sanya yaran a motocin safa safa suka kama hanya zuwa jihohinsu da suka hada da Kano da Kaduna. Wannan tuhuma ce da ta dauki hankali sosai tare da haifar da takaddama. Sufeto janar na 'yan sandan Najeriya ya kadammar da bincike a kan abinda ya faru.