Baje kolin litattafai da rubuce-rubuce a Najeriya

Fitattun marubuta litattafan soyayya a arewacin Najeriya sun yi tilawar halin da rubuce-rubucen Hausa na soyayya ke ciki. Litattafan soyayya sama da 5,000 ne aka yi kokarin tilawarsu. Sai dai wannan na zuwa ne a daidai lokacin da wasu matsaloli ke barazana ga adabin Hausa. An dai kwashe tsawon kwanaki hudu ana yin tarukan na baje kolin litattafai da fasahohi na rubuce-rubuce, taron kuma da aka kammala a ranar Asabar da ta gabata daya da cikin batutuwan da suka dauki hankali a taron na bana da ke zama karo na uku, shi ne batun adabin Hausa.