1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Harin bam ya kashe mutane a Islamiyya

Abdullahi Tanko Bala
October 27, 2020

Akalla dalibai takwas ne ciki har da kananan yara suka rasu wasu da dama kuma suka sami raunuka a wani harin bam da ya fashe yayin da dalibai ke tsakiyar karatu a wata makarantar Islamiyya a arewa maso yammacin Pakistan.

https://p.dw.com/p/3kTts
Pakistan Anschlag auf eine Religionsschule in Peschawar
Hoto: Abdul Majeed/AFP/Getty Images

Wani jami'in dan sanda a yankin Peshawar da lamarin ya faru Waqar Azim yace mutane fiye da 60 ne suke daukar darussa a lokacin da bam din ya fashe.

Yace wanda ya ajiye bam din a cikin wani kunshin kaya ya fice kafin bam din ya tashi. Dalibai 34 ciki har da malamai biyu suka sami raunuka a harin. Babu wata kungiya da ta dauki alhakin kai harin.

Gundumar Peshawar da lamarin ya faru ya yi kaurin suna wajen yawaitar hare hare a pakistan inda masu ikrarin jihadi ke kai hari akan jami'an tsaro.