1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaGabas ta Tsakiya

Limamin cocin Katolika ya gana da jagoran Shi'a a Iraqi

Zaharaddeen Umar
March 6, 2021

Jagoran mabiya mazahabar Shi'a a Iraqi Ayatollah Ali al-Sistani ya yi kira ga hukumomi su kare 'yancin Kiristoci a kasar bayan ganawarsa da babban limamin cocin Katolika Paparoma Francis a wannan Asabar.

https://p.dw.com/p/3qIVw
Irak Najaf | Besuch Papst Franziskus | Treffen mit Großajatollah Ali al-Sistani
Hoto: Grand Ayatollah Ali al-Sistani office/Reuters

A yayin ziyarar da Paparoma Francis din ya kai wa al-Sistani  a garin Najaf da ke Iraqin, al-Sistani  ya ce ya kamata Kiristoci su yi rayuwarsu kamar yadda kowane dan Iraqi yake da 'yancin yin walwala a kasar.


Paparoma Francis din ya gode wa jagoran Shi'an na Iraqi, a kokarin da yake yi na ganin an kare rayukan tsiraru da ake gallaza wa a cikin al'umma.


A baya dai akwai kimanin Kiristoci kusan miliyan daya a Iraqi, amma tun bayan kutsawar da Amirka ta yi a kasar a shekara ta 2003 da kuma rikice-rikicen addinin da suka biyo bayan hakan, sai yawan Kiristocin yanzu ya koma tsakanin 250,000 zuwa 400,000.


Limamin cocin Katolikan dai na ziyarar kwanaki hudu ne a Iraqi a wani mataki na samar da zaman lafiya da fahimtar juna a tsakanin Kiristoci da Musulman kasar.