1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Rikicin makiyaya ya halaka mutane 170

Ramatu Garba Baba
December 12, 2017

An samu asarar rayukan mutane fiye da 170 a wani rikici da ya barke a tsakanin wasu makiyaya a arewacin kasar Sudan ta Kudu mai fama da yakin basasa na fiye da shekaru hudu.

https://p.dw.com/p/2pDIC
Flüchtlingslager Süd Sudan Süd Kordofan
Hoto: AP

Alkaluman mamatan ya ninka wanda aka fitar a baya kan rikicin da aka kwashi kwanaki ana yi, mahukuntan kasar sun ce rikicin ya barke ne a tsakanin makiyaya 'yan kabilar Dinka da Rup da kuma Pakam, baya ga asarar rai mutane fiye da dari sun sami rauni.

Gwamnati ta sanar da ayyana dokar ta baci a yankin, tare da tura sojoji don tabbatar da zaman lafiya acewar Ateny Wek Ateny kakakin fadar shugaban kasar. An dai dadde ana samun rikici a tsakanin makiyaya a Sudan ta Kudu tun bayan barkewar yakin basasa a shekarar 2013 da ya kuma daidaita kasar.