Shekaru uku da dawowar Taliban kan mulki

'Yan Taliban sun yi bikin cika shekaru uku da dawowa karagar mulki. Bikin ya gudana a tsohon sansanin sojin sama na Amurka da ke Bagram a Afghanistan, sai dai babu wani bayani game da wahalar da ake sha a kasar ko kuma alkawurar samun kyakkyawar fata ga 'yan kasar da ke fadi tashi.

Daruruwan jama'a ciki har da jakadun kasashen China da Iran suka halarci bikin da aka gabatar da jawabai da kuma faretin soji.

A ranar 15 ga watan Augustan 2021 ne mayakan Taliban suka kwace birnin Kabul bayan da gwamnatin kasar da ke samun goyon bayan Amurka ta rushe kuma shugabanninta suka tsere.