1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Macron na ziyarar farko a Jamus

Salissou Boukari
May 15, 2017

Kwana daya bayan da ya soma aiki, sabon shugaban Faransa Emmanuel Macron ya soma wata ziyarar aiki a kasar Jamus, ziyarar da ke zama ta farko da ya kai a wata kasa tun bayan zabensa.

https://p.dw.com/p/2d0vm
Emannuel Macron Angela Merkel Berlin
Shugaban kasar faransa Emmanuel Macron da Shugabar Gwamnatin Jamus Angela Merkel lokacin da Macron ya kai ziyara a JamusHoto: Reuters/F.Bensch

Batun huldar dangantakar kasashen biyu musamman a game da manufofinsu kan kungiyar Tarayyar Turai ta EU, na daga cikin muhimman batutuwan da Shugaba Macron ya tattauna da Shugabar Gwamnatin Jamus Angela Merkel a lokacin ganawar da suka yi a birnin Berlin fadar gwamnatin kasar ta Jamus:

Kamar dai yadda shugaba Hollande da ya gaba ce shi ya yi shekaru biyar da suka gabta, shi ma dai sabon shugaban na Faransa Macron ya soma ziyararsa ta farko a kasar Jamus, inda ya ya samu babban tarbo daga Shugabar Gwamnatin ta Jamus Angela Merkel wacce ke cike da kwarin gwiwa dangane da makomar huldar dangantaka da ke tsakanin kasashen biyu, da kuma Tarayyar Turai. Sai dai a wannan ziyara babu wani batun jarjejeniyoyi da ake jira, amma kuma ana ganin shugabannin biyu ka iya duba wasu mahimman batutuwan da za su sa wa gaba.