1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Sojojin Mali sun kashe wani jigo a kungiyar IS

Mohamed Tidjani Hassane
April 30, 2024

Rundunar sojin Mali ta yi ikirarin kashe wani babban jigo na kungiyar masu da'awar jihadi ta IS wanda tun da jimawa Amurka ta sanya tukwici a kansa.

https://p.dw.com/p/4fKwi
Mali | G5 Sahel Militärallianz
Hoto: Hans Lucas/IMAGO

Gidan talabijin mallakar gwamnatin Mali ya ruwaito cewa an halaka kasurgumin dan ta'addar mai suna Abou Houzeifa a yayin wasu samame da sojojin kasar suka kai a ranar Lahadin da ta gabata a yankin Meneka da ke Arewa maso gabashin kasar.

Karin bayani: 'Yan ta'adda sun kai hare-hare a wasu sansanonin sojan Mali

Shi dai Abou Houzeifa da ake kira Hugo ya kasance daga cikin wadanda suka tafka cin zarafin fararen hula a kasashen yankin Sahel, sannan kuma yana da hannu a harin kwantan baunar da ya yi ajalin sojojin Amurka hudu da na Nijar biyar a Tongo Tongo a shekarar 2017, har ma Washington ta saka tukwicin dala miliyan biyar ga duk wanda ya yi nasarar kamo mata shi.

Karin bayani: Rundunar tsaron hadin gwiwa a kasashen AES

Wata majiyar tsaro a Mali ta ce sojojin kasar sun samu tallafin abokan huldarsu na Rasha wajen gano mabuyar Abou Houzeifa da mayakansa da ke kai hare-hare da babura kafin daga bisani su fatattake su.