1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Miliyoyin jama'a na cikin tsananin bukatar abinci

Ramatu Garba Baba
February 22, 2019

Miliyoyin jama'a ne ke fuskantar barazanar mutuwa a sanadiyar karancin abinci a yayin da kungiyoyin agaji ke gargadi kan a dauki matakin gaggawa don ceto rayukan jama'a kafin kasar ta fuskanci matsalar fari mafi muni.

https://p.dw.com/p/3Drqr
Uganda Bürgerkrieg und Hunger im Südsudan treiben Menschen zur Flucht
Hoto: Getty Images/D. Kitwood

Matsalar ta kara ta'azzara a sanadiyar tashe-tashen hankula. A ziyararsa a yankunan da yunwa ke yi wa barazana kuwa, daraktan hukumar abinci ta duniya wato FAO, Pierre Vauthier, ya ce lamarin mai tayar da hankali ne, ya kara da cewa, in aka yi sake, kasar za ta fuskanci matsalar fari mafi muni da aka taba samu tun bayan barkewar yakin basasa a kasar.

Yaki ya barke a Sudan ta Kudu a shekara ta 2013, bayan da Shugaba Salva Kiir ya zargi tsohon mataimakinsa Riek Machar da yunkurin yi masa juyin mulki. Mutum fiye da dubu dari hudu ne suka mutu baya ga miliyoyi da suka zama 'yan gudun hijira a sanadiyar rikicin.