Новак Ѓоковиќ – светски тениски крал

Најуспешниот тенисер во историјата, Новак Ѓоковиќ веќе имаше многу трофеи, но сега на полицата може да го стави и следниот. Тој ја слави својата 24. Грен слем титула со триумфот на УС Опен. По синоќешната победа над Данил Медведев, 36-годишниот Ѓоковиќ се враќа на челната позиција на АТП листата и сега повторно е светски рекет број еден. За него, како што рече, тоа е исполнување на детскиот сон. 

Српскиот тениски ас во својата кариера досега има освоено 10 титули на Австралија опен, седум на Вимблдон, четири на УС Опен и три на Ролан Гарос.