د ښځو فوټبال نړیوال جام تر پېل مخکې درې کسان په ډزو وژل سوي
۱۴۰۲ تیر ۲۹, پنجشنبه
له دې پېښې سره سره به نن د ټاکل سوي مهالوېش سره سم دا سیالۍ پیل سي. په نیوزیلینډ او اسټرالیا کې د ښځو فوټبال نړیوال جام پیل د یوې خونړۍ پیښې له امله اغیزمن سوی.
پر ځايي وخت د جولای پر ۲۰مه د پنجشنبې په سهار، یوه سړي په اوکلنډ کې لوبو ته څېرمه په یوه ساختماني ځای کې ډزې وکړې.
د دویچه ویله فیس بوک پاڼه همدلته درسره تعقیب کړئ
د دغه برید په پایله کې دوه کسان وژل شوي او شپږ نور ژوبل سوي دي، چې د درو کسانو روغتیايي حالت نازک ښودل سوی دی. برید کوونکی هم د پولیسو په مخامخ ډزو کې ویشتل سوی دی.
اړوند مطالب:په مزار شريف کي د ښځينه فوتسال اتلولۍ تر سره سوې
د نیوزیلنډ لومړي وزیر کریس هیپکنز وویل چې نړیوال جام به له پلان سره سم پرمخ ځي. د هغه په وینا «دا ډزې سیاسي انګیزه نه وه او ملي امنیت ته کوم ګواښ نه دی.»
د نیوزیلنډ د ورزش وزیر ګرانټ رابرټسن وویل چې هغه د فیفا رئیس انفینتینو او د فیفا عمومي منشي فاطمه سامورا سره خبرې کړې او دوی خپله خواخوږي ورسره څرګنده کړې ده.
د اوکلنډ ښاروال وین براون په وینا، د فیفا ټول کارکوونکي او د نړیوال جام ټیمونه خوندي دي. د شهراډن پارک لوبغالی، چې نن د ناروې او نیوزیلنډ ترمنځ د ښځو د نړیوال جام د پرانیستلو لوبه پکې ترسره کیږي، د پیښې له ځايه په اورګاډي کي شل دقیقې لري دی.
اړوند مطالب:په افغانستان کې ښځې سپورتي کلبونو ته له تلو څخه منع سوي
د فیفا د ښځو فوټبال نړیوال جام نهمه سیالۍ به د نیوزیلنډ او استرالیا ترمنځ په ګډه ترسره سي.
ص.ذ/ن.ز