په خوست کې چاودنې مرګ ژوبله اړولې
۱۴۰۲ مرداد ۲۳, دوشنبه
اعلان
په خوست کې د طالبانو مطبوعاتي دفتر ویلي دي چې نن سهار شاوخوا یوولس بجې د دغه ولایت مرکز سپین جومات ته څېرمه په یوه هوټل کې چاودنه شوې ده.
په خوست کې د طالبانو ادارې په یوه خبرپاڼه کې راغلي دي چې په دې پېښه کې یو شمېر "د وزیرستان کډوال او ځايي اوسېدونکي" مړه او ټپیان شوي دي.
د طالبانو د لومړنيو معلوماتو پر بنسټ، د دې ولايت روغتون ته درې مړي او اوه ټپيان لېږدول شوي دي.
طالبان وايي، ځواکونو ېې د پېښې سیمې ته رسېدلي او په اړه یې پلټنې روانې دي. تر اوسه کوم چا یا ډلې د دې پېښې مسوولیت پر غاړه نه دی اخیستی او نه هم د چاودنې نوعیت معلوم شوی.