1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroSyria

Al-Shibani aiambia Iran isieneze machafuko nchini Syria

Babu Abdalla
25 Desemba 2024

Waziri mpya wa mambo ya nje wa Syria Asaad Hassan al-Shibani, ameiambia Iran kutoeneza machafuko nchini Syria na badala yake waheshimu matakwa ya watu wa Syria na uhuru wa taifa hilo.

https://p.dw.com/p/4oYts
Syria | Ahmed al-Sharaa
Kiongozi mkuu wa Syria Ahmed al-Sharaa baada ya kukutana na Waziri wa mambo ya nje wa Qatar Mohammed bin Abdulaziz Al-Khulaifi baada ya kuondolewa madarakani kwa Bashar al-Assad mjini Damascus.Picha: Ammar Awad/REUTERS

Al-Shibani ameandika katika mtandao wake wa kijamii wa X kuwa, Iran ni lazima iheshimu matakwa ya Wasyria na usalama wa nchi hiyo na kwamba watawala wapya wa Damascus watawawajibisha kutokana na kauli zao.

Hata hivyo waziri huyo mpya wa mambo ya nje wa Syria hakuweza wazi alikuwa akimlenga nani.

Soma pia:  Kiongozi mpya Syria aahidi kuheshimu mamlaka ya Lebanon

Kauli hiyo ya Al-Shibani imejiri baada ya kiongozi mkuu wa Iran Ayatollah Ali Khamenei kuwahimiza vijana wa Syria kusimama kwa ujasiri dhidi ya watu waliopanga na kusababisha ukosefu wa usalama nchini humo.

Kuondolewa madarakani kwa Bashar al-Assad kunachukuliwa kama pigo kwa muungano wa kisiasa na kijeshi unaoongozwa na Iran unaofahamika kama "mhimili wa upinzani” unaopinga ushawishi wa Israel na Marekani katika eneo la Mashariki ya Kati.