China:Marekani ilipeperusha maputo zaidi 10 katika anga letu

Waziri wa mambo ya kigeni wa China Wang Wenbin amesema maputo hayo yaliyorushwa katika maeneo mengi ya dunia na yakaingia katika anga yake mara kumi kinyume cha sheria. 

Wang hakutoa taarifa zaidi za mataifa mengine yalikoonekana maputo hayo.

Alikataa pia kutoa majina ya maeneo maputo hayo yalipoonekana nchini China au hata kutoa picha za kuthibitisha hilo. Tayari Marekani imekanusha tuhuma hizo.

Soma pia:China yaishtumu Marekani kutumia nguvu baada ya puto lake kudunguliwa

China na Marekani zimekuwa zikitupiana maneno tangu Marekani ilipodungua puto kubwa la China, katika eneo la bahari la Carolina baada ya kudaiwa kufanya ujasusi katika maeneo ya kijeshi ya Marekani.