1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAsia

Mkataba wa kijeshi wa Urusi, Korea Kaskazini waanza kazi

Mohammed Khelef
5 Desemba 2024

Mkataba wa ushirikiano wa kimkakati kati ya Korea Kaskazini na Urusi umeanza rasmi kwa mujibu wa shirika la habari la Korea Kaskazini, KCNA.

https://p.dw.com/p/4nlIg
Andrei Belousov, No Kwang-chol, Korea Kaskazini, Urusi
Waziri wa Ulinzi wa Korea Kaskazini, No Kwang-chol (kulia) na mwenzake wa Urusi, Andrei Belousov.Picha: Russian Defence Ministry/AFP

Taarifa iliyotolewa na shirika hilo hivi leo inasema mkataba huo umeanza kazi baada ya Moscow na Pyongyang kukabidhiana nyaraka za kuidhinishwa hapo jana.

Mkataba huo unauweka ushirikiano wa kijeshi baina ya mataifa hayo mawili kwenye ngazi ya juu zaidi, na unaelezea kwamba zitasaidiana pale mmoja wao anaposhambuliwa.

Soma zaidi: Korea Kaskazini yaahidi kuendelea kuisaidia Urusi katika vita dhidi ya Ukraine

Waziri wa Ulinzi wa Urusi, Andrey Belousov, amesema ushirikiano huo unadhamiria kupunguza hatari ya vita kwenye eneo la kaskazini mashariki mwa Asia.

Mkataba huo unaanza kazi wakati tayari Korea Kaskazini imetuma maelfu ya wanajeshi nchini Urusi kuisaidia kwenye vita vyake dhidi ya Ukraine, kwa mujibu wa duru za kijasusi za mataifa ya Magharibi.