Ruto alaumu watendaji wazembe baada ya mripuko wa gesi

Bila ya kutaja jina la anaetuhumiwa na mkasa huo Rais Ruto, amesema maafisa wa serikali walitoa leseni za kujaza gesi katika maeneo ya makazi ya watu wakati ilionekana wazi kuwa ni jambo lisilofaa, lakini kwa sababu ya uzembe na ufisadi walitoa leseni. Aidha aliongeza kwa kusema wanapaswa kufukuzwa kazi na kufunguliwa mashtaka kwa uhalifu ambao wametenda. Lori lililokuwa limebeba mitungi ya gesi liliripuka usiku wa Alhamisi huko Embakasi, wilaya yenye wakazi wengi jijini Nairobi, na kusababisha uharibifu mkubwa na kuwafanya watu kukimbia kuokoa maisha yao.Jana Ijumaa,Taasisi ya Petroli ya Afrika Mashariki ilisema kwamba mripuko huo ulitokea katika "eneo haramu la kujaza na kuhifadhi gesi ambalo mmiliki wake na baadhi ya wateja walitiwa hatiani na kuhukumiwa Mei 2023.