1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MichezoTanzania

Simba kugharamia uharibifu wa baada ya mechi ya CAF

Bruce Amani
16 Desemba 2024

Ambapo ushindi waliopata jana Simba SC katika mechi ya hatua ya makundi ya Kombe la Shirkisho Afrika dhidi ya CS Sfaxien kwa Mkapa umegubikwa na vurugu zilizozuka uwanjani hapo.

https://p.dw.com/p/4oCZs
Mashabiki wa klabu ya Simba katika uwanja wa Mkapa
Mashabiki wa Simba na CS Sfaxien walivunja na kurushiana viti katika uwanja wa taifa mjini Dar es SalaamPicha: BackpagePix/empics/picture alliance

Serikali ya Tanzania kupitia wizara ya michezo, imeitaka Simba kugharamia uharibifu uliosababishwa na mashabiki waliong'oa na kuvunja viti. Vurugu zilifuatia bao la ushindi la Simba ambalo lilifungwa katika dakika ya mwisho ya muda wa nyongeza.

Mashabiki wa timu zote waling'oa na kurushiana viti. Taarifa iliyotolewa na msemaji wa wizara ya michezo Gerson Msigwa imesema Simba SC itagharamia hasara yote iliyotokea. Ushindi wa 2 – 1 unaiweka Simba katika nafasi ya tatu ya Kundi A na pointi 6 sawa na Constantine iliyoko nafasi ya pili. F.C. Bravos do Maquis inakamata usukani na pointi 6.

Katika Ligi ya Mabingwa Afrika, miamba Yanga inaburuza mkia katika Kundi A baada ya sare ya 1 – 1 na TP Mazembe. Ina pointi moja huku Al Hilal ikiongoza na pointi 9. MC Alger ni ya pili na pointi nne huku Mazembe ikiwa ya tatu na alama mbili.

Mjini Kigali, Timu ya taifa ya Rwanda  "Amavubi” yaanza maandalizi dhidi ya Sudan Kusini kuelekea Fainali za Kombe la Afrika kwa wachezaji wa Ligi za nyumbani (CHAN) wakati Rais wa Rwanda Paul Kagame akitangaza rasmi kuwa Kigali inapania kuwa mwenyeji wa mashindano ya mbio za  magari  ya Langalanga maarufu kama Formula One. Mengi zaidi na Mwanmichezo wetu Christopher Karenzi