1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaTanzania

Tanzania yaadhimisha miaka 61 ya Uhuru

Bakari Ubena
9 Desemba 2022

Tanzania leo inaadhimisha miaka 61 ya uhuru wa iliyokuwa Tanganyika ambao kupatikana kwake kulihitimisha enzi ya ukoloni wa Uingereza mnamo Disemba 09 mwaka 1961.

https://p.dw.com/p/4KjxL
Ruanda | Samia Suluhu und Paul Kagame
Picha: Rwanda Presidency

Tanganyika ambayo mwaka mmoja baada ya Uhuru ilitangazwa kuwa Jamhuri, ilijiunga na iliyokuwa Jamhuri ya Watu wa Zanzibar mwaka 1964 kuunda taifa jipya la Tanzania.

Hii leo sherehe ambazo kwa kawaida hupamba maadhimisho ya siku ya Uhuru zimefutwa, baada ya rais wa nchi hiyo Samia Suluhu Hassan kuamuru fedha zilizotengwa kwa ajili ya dhifa na maonesho ya kijeshi zitumike kujenga mabweni ya shule za wasichana.

Gharama zilizokuwa zimepangwa kutumika ni dola 445,000.

Uamuzi kama huo wa kuzifuta sherehe za uhuru uliwahi pia kuchukuliwa mwaka 2015 na baadae mwaka 2020 chini ya utawala wa rais wa zamani hayati John Pombe Magufuli.