Trump ashinda New Hampshire

Ushindi huo unamweka mbele bilionea huyo katika kinyanganyiro cha kumtafuta mgombea urais kwa tiketi ya chama cha Republican.

Trump amemshinda mshindani wake aliyebakia katika kinyang'anyiro hicho, Nikki Haley, aliyekuwa balozi wa Marekani kwenye Umoja wa Mataifa.

Kwa ushindi huo katika jimbo la New Hampshire,  Trump ameimarisha kwa kiwango kikubwa matumaini ya kuwa mgombea wa chama cha Republican katika uchaguzi wa rais wa Marekani mnamo mwezi Novemba.

Hata hivyo, mshindani wake Nikki Haley amesema amejizatiti kuendelea kushiriki katika uchaguzi wa mchujo wa chama cha Republican kwenye majimbo mengine.