Trump na Harris kuchuana kwenye mdahalo wa televisheni

Mdahalo huo utakaorushwa na kituo cha ABC, unafanyika wiki nane kabla ya uchaguzi wa Novemba 5.

Wagombea wote wawili wanaonekana kufungana katika kinyang'anyiro kikali ambacho yeyote bado anaweza kuibuka mshindi.

Upigaji kura wa mapema utaanza katika baadhi ya majimbo siku chache baada ya mdahalo. Mchuano huo ni muhimu sana kwa Harris, huku kura za maoni zikiashiria kwamba zaidi ya robo ya wapiga kura, hawamfahamu vyakutosha makamu huyo wa rais, ukilinganisha na Trump anayefahamika.