1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
UchumiUganda

Uganda yasaini mkataba wa ujenzi wa reli ya SGR na Uturuki

Bakari Ubena
16 Oktoba 2024

Uganda imetangaza kuwa imetia saini mkataba wa dola bilioni 3 na kampuni ya Uturuki ya "Yapi Merkezi" ili kusimamia ujenzi wa reli.

https://p.dw.com/p/4lrSj
Uganda yasaini mkataba wa dola bilioni 3 na kampuni ya Uturuki kwa ujenzi wa reli ya SGR
Uganda yasaini mkataba wa dola bilioni 3 na kampuni ya Uturuki kwa ujenzi wa reli ya SGRPicha: Liu Zhi/Photoshot/picture alliance

Waziri wa Uchukuzi wa Uganda Katumba Wamala amesema hapo jana kuwa mradi huo wa kilometa 272 za reli ya mwendo kasi inayotumia umeme (SGR), utaanza mwezi Novemba na kutokea katika mji mkuu wa Uganda Kampala hadi Malaba kwenye mpaka na Kenya na utakamilika baada ya miaka minne.

Waziri Wamala amesema mradi huo unalenga kuondokana na ucheleweshaji wa muda mrefu wa kusafirisha bidhaa kutoka bandari ya Mombasa ambayo ndio lango kuu la biashara ya Uganda.

Treni hizo zitasafiri kwa kasi ya kilomita 120 kwa saa na mradi huo utakuwa na uwezo wa kubeba tani milioni 25 kwa mwaka.