1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMali

Ukraine yakanusha kusambaza droni kwa waasi nchini Mali

Tatu Karema
15 Oktoba 2024

Ukraine imekanusha ripoti za vyombo vya habari kwamba inahusika katika usambazaji wa droni kwa waasi wanaopigana kaskazini mwa Mali.

https://p.dw.com/p/4lmtR
Wanamgambo wenye silaha wa kundi la harakati za Azawad nchini Mali wakusanyika katika jangwa nje ya Menaka mnamo Machi 14, 2020 wakati wa mkutano wa kundi hilo
Wanamgambo wenye silaha wa kundi la harakati za Azawad nchini MaliPicha: Souleymane Ag Anara/AFP

Gazeti la Ufaransa Le Monde liliripoti kuwa wapiganaji wa kundi la Tuareg nchini Mali wanatumia droni za Ukraine kwa usaidizi wa kisiri wa Ukraine dhidi ya jeshi la Mali na kundi la mamluki wa Urusi la Wagner.

Ukraine yapinga kujihusisha na waasi wa Tuareg nchini Mali

Katika taarifa, wizara ya mambo ya nje ya Ukraine, imesema nchi hiyo inapinga vikali shtuma hizo ambazo zimeripotiwa na vyombo vya habari vya kimataifa kuhusu madai ya kuhusika kwake katika usambazaji wa droni kwa waasi nchini Mali.

Mali, ambapo maafisa wa kijeshi walinyakua mamlaka katika mapinduzi ya mwaka 2020 na 2021, inapambana na uasi wa makundi ya itikadi kali wa miaka mingi, huku mapigano makali dhidi ya waasi wa Tuareg yakiendelea karibu na mpaka kati ya nchi hiyo na Algeria.