Urusi yaendeleza mashambulizi mashariki mwa Ukraine

Hayo ni kulingana na kiongozi wa mji huo Vitaly Barabash ambaye amesema wamekuwa wakishambuliwa kutoka kila kona na kwa wastani wa mashambulio 30 hadi 40 kwa siku.

Barabash amesema mji wa Avdiivka ambao awali ulikuwa na wakazi 30,000 sasa umesalia na watu wasiozidi 1,350.

Hayo yakiarifiwa, Urusi imesema hii leo kuwa imeharibu ndege 16 zisizo na rubani za Ukraine kwenye rasi ya Crimea na kwenye eneo la mkoa wa Volgograd.

Soma pia:Urusi yadai Ukraine ilijaribu kuishambulia Kremlin, Kyiv yakanusha

Wakati huo huo jeshi la Ukraine limesema mifumo yake ya ulinzi wa anga imedungua usiku wa kuamkia leo, ndege tatu zisizo na rubani zilizotengenezwa na Iran na kurushwa na vikosi vya Urusi.