Urusi yaushambulia mji wa Kiev kwa ndege za droni

Urusi imeushambulia mji mkuu wa Ukraine, Kyiv kwa ndege za droni kwa siku ya pili mfululizo, na kuharibu majengo ya makaazi na kumjeruhi mtu mmoja.  Maafisa wa Ukraine wametoa taarifa hiyo leo.

Raia wengine wawili waliuawa na 15 walijeruhiwa katika shambulio tofauti la kombora la masafa marefukatika mji wa Zaporizhzhia kusini mashariki mwa Ukraine. 

Jeshi la Ukraine limesema ulinzi wa anga uliangusha ndege 59 kati ya 116 za Urusi zilizorushwa usiku kucha. Taarifa zaidi zinasema jeshi lilipoteza mwelekeo wa ndege 45 zisizo na rubani ambazo huenda zilianguka katika eneo la Ukraine.

Mkuu wa utawala wa kijeshi mjini Kiyv amesema usiku wa kuamkia leo ulikuwa ni usiku mwingine wa wasiwasi.

Ameeleza kuwa Urusi inaongeza ukubwa wa mashambulizi ya anga dhidi ya Ukraine na hasa mji mkuu Kyiv.