1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu

Wafungwa 6,000 watoroka gereza lenye ulinzi mkali Msumbiji

Iddi Ssessanga
27 Desemba 2024

Polisi imesema wafungwa walianza kutoroka majira ya mchana siku ya Jumatano baada ya "vurugu" zilizofanywa na "kikundi cha waandamanaji waasi" waliokuwa karibu na gereza kuu la Maputo.

https://p.dw.com/p/4obg0
Msumbiji |Bernardino Rafael |Inspekta Jenerali Mkuu wa Polisi
Bernardino Rafael |Inspekta Jenerali Mkuu wa Polisi MsumbijiPicha: Amós Fernando/DW

Mkuu wa polisi Msumbiji amesema wafungwa takriban 6,000, wakiwemo 29 waliokuwa wamehukumiwa kwa ugaidi, walitoroka kutoka Gereza Kuu la Maputo siku ya Krismasi wakati wa maandamano yenye vurugu, kufuatia uthibitisho wa ushindi wa chama tawala cha Frelimo katika uchaguzi mkuu uliopita.

Mkuu huyo wa polisi Bernadino Rafael, amesema wafungwa 33 walikuda na wengine 15 walijeruhiwa wakati wa makabiliano na vikosi vya usalama. Maandamano hayo, yaliyofanywa na wafuasi wa mgombea aliyeshindwa Venancio Mondlane, yalisababisha uharibifu mkubwa wa miundombinu ya polisi na kuanguka kwa ukuta wa gereza.

Soma pia: Watu 21 wauawa katika machafuko Msumbiji baada ya uamuzi wa mahakama

Waziri wa Mambo ya Ndani wa Msumbiji Pascoal Ronda ameyahusisha machafuko hayo na mzozo wa matokeo ya uchaguzi, huku Katibu Mkuu wa Umoja wa Mataifa António Guterres akitoa wito wa mazungumzo na kukomesha vurugu. Wafungwa wengi waliotoroka tayari wamekamatwa tena.