1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaSyria

Watawala wapya wa Syria wateua waziri wa mambo ya kigeni

Rashid Chilumba
21 Desemba 2024

Watawala wapya wa Syria leo wamemteua Asaad Hassan al-Shibani kuwa waziri wa mambo ya kigeni wakati wanajaribu kuboresha mahusiano ya kimataifa wiki mbili tangu walipouangusha utawala wa Rais Bashar al-Assad.

https://p.dw.com/p/4oSuO
Asaad Hassan al-Shibani
Waziri mpya wa mambo ya kigeni wa Syria Asaad Hassan al-Shibani.Picha: rouydad24.ir

Hayo yameripotiwa na shirika la habari la Syria (SANA) likinukuu taarifa iliyootolewa na kamandi tawala ya nchi hiyo inayoongozwa na mkuu wa kundi la waasi wa Hayat Tahrir al-Sham Ahmed al-Sharaa.

Shibani, mwenye umri wa miaka 37 na mhitimu wa chuo kikuu cha Damascus, aliwahi hapo kabla kuongoza idara ya siasa ya serikali ya waasi kwenye jimbo la kaskazini magharibi la Idlib.

Chanzo kimoja kilicho sehemu ya utawala mpya wa Syria kimeliambia shirika la habari la Reuters kuwa uteuzi wa Shibani umefanyika kama sehemu ya azma ya watu wa Syria kuanzisha mahusiano ya kimataifa ili kuleta amani na uthabiti.