جرمنی: ایک دن میں نئے کورونا کیسز اتنے جتنے پہلے کبھی نہیں

جرمنی یورپی یونین کا سب سے زیادہ آبادی والا ملک ہے اور یہاں بھی دیگر یورپی ممالک کی طرح کورونا وائرس کی عالمی وبا کے دوران کئی ملین انسان متاثر ہو چکے اور ہزار ہا انتقال کر چکے ہیں۔ اس وبا کی گزشتہ لہروں کے بعد ملک میں نئی کورونا انفیکشنز کی تعداد مسلسل کم رہنے لگی تھی۔

جرمنی: کورونا انفیکشن بڑھ گیا، اولڈ ہوم وائرس کی لپیٹ میں

اب لیکن بدلتی ہوئی صورت حال میں گزشتہ چوبیس گھنٹوں کے دوران ملک بھر میں رجسٹر کی گئی نئی انفیکشنز کی تعداد 33 ہزار 949 رہی، جو آج تک یومیہ بنیادوں پر اس وائرل انفیکشن کے پھیلاؤ کا نیا ریکارڈ ہے۔ گزشتہ روز جرمنی میں کووڈ انیس کے مزید 165 مریضوں کا انتقال بھی ہو گیا۔

جرمنی کے لیے یہ نئی پیش رفت اتنی اہم اور پریشان کن ہے کہ اس بارے میں اب وفاقی وزیر صحت اور تمام سولہ وفاقی صوبوں کے وزرائے صحت کے اگلے اجلاس میں بلاتاخیر مشورے کیے جائیں گے کہ اس تعداد کو جلد از جلد دوبارہ کم سے کم کیسے کیا جا سکتا ہے۔

جرمنی: موسم سرما میں کووڈ 19 کے انفیکشن میں اضافے کی پیش گوئی

ویکسین لگوانے کے باوجود کورونا انفیکشن: ویکسین بے اثر ہے؟

گزشتہ چوبیس گھنٹوں کے دوران ملک میں جتنی نئی انفیکشنز ریکارڈ کی گئیں، وہ 18 دسمبر 2020ء کے روز ریکارڈ کی گئی آج سے پہلے تک کی سب سے بڑی تعداد (33.777 کیسز) سے بھی زیادہ بنتی ہے۔

اس سے قبل ملک میں اس وبا کی تیسری لہر کے دوران زیادہ سے زیادہ یومیہ کیسز کی تعداد 29 ہزار 518 رہی تھی، جو اسی سال 22 اپریل کو ریکارڈ کی گئی تھی۔

ویکسین لگوانے سے گریز مت کریں، انگیلا میرکل

جرمنی کی تقریباﹰ 83 ملین کی مجموعی آبادی میں سے اب تک قریب 67 فیصد باشندوں کی کورونا وائرس کے خلاف مکمل ویکسینیشن ہو چکی ہے۔ بہت سے جرمن شہری تاہم ابھی تک یہ ویکسین لگوانے میں ہچکچاہٹ کا مظاہرہ بھی کر رہے ہیں۔

م م / ع ح (ڈی پی اے، اے ایف پی)