نواز شریف بیرون ملک نہیں جا سکتے، عدالت

پاکستان کے سابق وزیراعظم نواز شریف اپنی بیٹی کے ہمراہ آج احتساب عدالت میں پیش ہوئے، جہاں ان کے خلاف بدعنوانی کے مقدمات جاری ہیں۔

رائے ونڈ دھماکا، کس کو کیا پیغام دے گیا؟

ان کا جج سے اپیل کرتے ہوئے کہنا تھا کہ انہیں ایک ہفتے کے لیے لندن جانے کی اجازت دی جائے۔ لندن میں ان کی اہلیہ کلثوم نواز گزشتہ ایک برس سے زیر علاج ہیں۔ تاہم عدالت نے ان کی یہ اپیل مسترد کر دی۔

سابق پاکستانی وزیر اعظم کی جماعت نے اس عدالتی فیصلے کو ’مایوس کن‘ قرار دیا ہے۔ نواز شریف کو پاکستانی سپریم کورٹ نے گزشتہ برس جولائی میں کرپشن کے الزامات کے تحت ان کے عہدے سے برطرف کر دیا تھا۔

نواز شريف پر جوتا کس نے پھينکا؟

نواز شریف ابھی تک کرپشن کے الزامات کو مسترد کرتے آئے ہیں۔ ان کا کہنا ہے کہ ان کی برطرفی کے پیچھے ’خفیہ ہاتھ‘ کارفرما ہیں۔

اا/ش ح (اے پی)