فلوریڈا میں ٹرانسجینڈرز کے لیے کوئی گرلز اسپورٹس نہیں

ٹرانسجنڈرز پر خواتین اور لڑکیوں کے خواتین کے اسپورٹس آرٹ میں حصہ لینے پر پابندی اور انہیں لڑکوں کے ساتھ کھیلوں کے مقابلوں میں حصہ لینے پر مجبور کرنے کے اس فیصلے پر مساوی حقوق کے تحفظ کے لیے سرگرم عناصر نے سخت غصے کا اظہار کیا ہے۔

جنوبی ایشیا کے مسلم ایل جی بی ٹی کا سہارا ’سوشل میڈیا‘

یہ فیصلہ عین ایک ایسے وقت میں سامنے آیا جب جون کو امریکا میں پرائڈ منتھ‘ یا 'فخر‘ کا مہینہ قرار دیتے ہوئے منایا جاتا ہے۔ فلوریڈا کے ریپبلکن گورنر اور سابق امریکی صدر ڈونلڈ ٹرمپ کے بہت قریبی دوست رون دے سانتس نے جیکسن ویل کے ایک کرسچن اسکول میں ایک قانونی دستاویز پر دستخط کیے، جس کے تحت سرکاری ہائی اسکولوں اور یونیورسٹیوں میں ٹرانسجنڈرز کو خواتین اور لڑکیوں کے بجائے لڑکوں کے ساتھ کھیلوں کے مقابلوں میں حصہ لینا ہو گا۔

امریکی سپریم کورٹ کا ایل جی بی ٹی ورکرز کے حق میں اہم فیصلہ

گورنر کا موقف

فلوریڈا کے گورنر نے اپنے فیصلے کا دفاع کرتے ہوئے کہا،''ہم یہ سمجھتے ہیں کہ ان مقابلوں کی اخلاقی بلندی کے لیے یہ ضروری ہے۔‘‘ رون دے سانتس کا مزید کہنا تھا،''فلوریڈا میں لڑکیاں، لڑکیوں کے کھیلوں میں حصہ لیتی ہیں اور لڑکے ان کھیلوں میں شریک ہوتے ہیں، جن کے بارے میں کہا جاتا ہے کہ وہ لڑکوں کے کھیل ہیں، ہمیں کھیلوں کو نظریاتی نہیں بلکہ حیاتیاتی انداز سے دیکھنا چاہیے۔ ہم اسپورٹس کر رہے ہیں۔‘‘

برلن پریڈ: ہم جنس پسندوں کا جشن، برداشت اور مساوی حقوق کا پیغام

یہ قانون یکم جولائی سے نافذ العمل ہو گا اور اس میں لڑکیوں اور نوجوان خواتین کو مقابلوں میں شریک ہونے کے لیے اپنا 'برتھ سرٹیفیکیٹ‘ یا اپنی سند پیدائش کے ذریعے اپنی جنس کا اندراج کروانا ہو گا۔ فلوریڈا کے گورنر سانتوس نے ان قواعد و ضوابط پر دستخط 'ایل جی بی ٹی پرائڈ منتھ‘ کے پہلے دن کیا۔

اس پر فلو ریڈا کے ایک ریاستی نمائندے اور ڈیموکریٹ لیڈر کارلوس سمتھ، جن کی شناخت لاطینی ہم جنس پرست ہے،  ایک ٹویٹ کی،''ایل جی بی ٹی کیو‘ پرائڈ منتھ‘ کے پہلے دن گورنر رون دے سانتس بچوں کو اسکول اسپورٹس سے محروم کر رہے ہیں۔ یہ ٹرانسفوبیا کے لیے ایندھن کی مانند ہے اور اس سے جذباتی طور پر کمزور بچے کسی معقول وجہ کے بغیر خطرات سے دوچار ہو جائیں گے۔ ‘‘

’ہالی وُوڈ اسٹریٹ وائٹ بوائز کلب‘ دراصل ہے کيا؟

دریں اثناء 'ایل جی بی ٹی کیو‘ برادری کے حقوق کا دفاع کرنے والے ایک گروپ 'ہیو من رائٹس کیمپین‘ نے اس اقدام کو عدالت میں چیلنج کرنے کا اعلان کیا ہے۔ فلوریڈا سے قبل ریپبلکن کی حکومت والی دیگر ریاستیں جیسا کہ آلاباما،آرکنساس، میسیسیپی، مونٹانا اور مغربی ورجینیا بھی اسی طرح کے قوانین کی منظوری دے چُکی ہیں۔

بائیڈن: ٹرانسجینڈرز کو بھی فوج میں بھرتی کا حق ہوگا

ڈیموکریٹ امریکی صدر بائیڈن نے ایل جی بی ٹی کیو کے مساوی حقوق کی جدو جہد جاری رکھنے کے عزم کا ایک بار پھر اظہار کرتے ہوئے 'ایل جی بی ٹی پرائڈ منتھ‘ کے موقع پر ایک باضابطہ اعلامیہ جاری کیا، جس میں انہوں نے کانگریس سے مطالبہ کیا کہ وہ تمام جنس سے تعلق رکھنے والوں کے لیے ایک مساوی ایکٹ کی منظوری دے۔یہ ایکٹ مارچ کے مہینے سے سینیٹ میں رکا ہوا ہے۔

خواجہ سراؤں کی لاش کو ’دو گز زمین‘ بھی مشکل سے مّیسر

 

ک م / م م) رائٹرز، اے ایف پی، کے این اے(