1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Mayakan Hezbollah sun harba rokoki zuwa arewacin Isra'ila

Muntaqa Ahiwa
September 22, 2024

Kungiyar Hezbollah ta tsananta hare-hare zuwa Isra'ila da safiyar Lahadi, abin da ya sanya Isra'ila daukar matakan kare fararen hula da ke yankin cikin gaggawa.

https://p.dw.com/p/4kwSS
Wasu wuraren da Hezbollah ta ɓata a arewacin Isra'ila
Wasu wuraren da Hezbollah ta ɓata a arewacin Isra'ilaHoto: Shir Torem/REUTERS

Hukumar da ke kare fararen hula a Isra'ila ta bayar da umurnin rufe dukkanin makarantun da ke arewacin kasar, bayan wasu hare-haren rokoki da kungiyar Hezbollah ke harbawa zuwa cikin kasar.

Mayakan Hezbollah dai sun harba rokoki sama da 100 a wannan safiya inda wasu daga ciki suka fada birnin Haifa na arewcin Isra'ilar.

Wannan dai na nuna cikakkun alamu ne na kungiyar Hezbollah din ta fito yaki ne gadan-gadan, bayan kwashe watanni na alamun shika-shikan rincabewar rikici a tsakanin banagrorin biyu.

Rundunar sojin Isra'ila ta ce rokokin sun auni yankuna ne da galibnin gidajen fararen hula ke a cikin su.