1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

MDD: Akwai matsala a Zimbabuwe

Muntaqa Ahiwa
July 25, 2018

Majalisar Dinkin Duniya ta bayyana damuwa kan rayuwar jama'a a Zimbabuwe a dai dai lokacin da ake shirin zabe.

https://p.dw.com/p/322N8
Simbabwe Emmerson Mnangagwa in Harare
Hoto: Reuters/M. Hutchings

Majalisar Dinkin Duniya ta ce ta damu da yadda rayuwar jama'a ke kara shiga garari a Zimbabuwe, a dai dai lokacin da babban zaben kasar ke kara karatowa.

Zaben da za a yi shi a ranar 30 ga wannan wata na Yuli, shi ne na farko bayan murabus na tsohon Shugaba Robert Mugabe da ya mulki kasar na tsawon shekaru 37.

Shugaba Emmerson Mnangagwa mai mulki dai ya yi alkawarin samar da sahihin zabe, sai dai ga alama, ya kama hanyar saba alkawarin da ya yi.

Hukumar kula da kuma kare hakkin bil Adama ta Majlisar Dinkin Duniyar, ta ce tana samun rahotannin yawaitar fitintinu da kuma muzguna wa jama'a musamman a yankunan karkara.