1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Ranar babban zaben Amurka

Fauziyya Dauda
November 5, 2024

Nan da wasu 'yan sa'o'i milyoyin Amurkawa da suka cancanci yin zabe za su tafi runfunar zabe domin kada kuri'unsu a babban zaben kasar.

https://p.dw.com/p/4mboW
Vorwahlen in den USA 2016
Hoto: Alessandro Vecchi/dpa/picture alliance

Dukkannin manyan 'yan takarar zaben Amurka, Donald Trump da kuma Kamala Harris sun yi ikrarin za su samu nasara a zaben yayin da suka kammala gangamin yakin neman zabensu a jihar Pennsylvania, da ke da yawan kuri'un da ke da tasiri a yawan wakilai na musamman da aka fi sani da Electoral College, da sauran manyan jihohin da suka fi tasiri a zaben.

Karin bayani: Harris da Trump na kace-nace a gangamin yakin neman zaben Amurka

Dukannin 'yan takarar biyu sun sake neman goyon bayan 'yan kasar da ba su kada zaben wuri ba, da su fito kwansu da kwarkwatarsu a yau. Tuni dai Tsohon shugaban kasar na jam'iyyar Republican, Donald Trump ya karkare yakin neman zabensa ne a Michigan inda zai koma gida, Florida domin ya kada kuri'arsa da kuma jiran sakamakon zaben mai jan hankali. Yayin da Kamala Haris ta jam'iyyar Democrat ta kammala yakin neman zabenta a jihar Philadelphia.