Shugaban Afghanistan ya yi jawabi a kan rikicin Taliban

Shugaba Ashraf Ghani ya ce abin da aka sanya a gaba a yanzu, shi ne sake hada karfin dakarunta waje guda a daidai lokacin da ya rage kilomita 11 kacal mayakan Taliban su kutsa cikin Kabul babban birnin kasar.

Shugaban na Afghanistan ya ce an yi nisa a tattaunawa da ake yi wa wasu kasashen duniya a kokarin kawo karshen yakin da kasar ke ciki.

Kashi biyu cikin uku na kasar dai na hannun mayakan Taliban ne a yanzu, inda kasashe irin su Amirka da ma Faransa a baya-bayan nan ke gaggawar kwashe jami'ansu da ke a can.