Јужна Осетија го откажа референдумот

Новите власти на проруската област Јужна Осетија синоќа соопштија дека се откажуваат од организирање референдум за своето приклучување кон Русија.

Новоизбраниот претседател на оваа област, Алан Гаглоев, исто така укажа на „неизвесностз поврзана со правните последици“ од таквиот референдум, за чие одржување одлучи неговиот претходник Анатоли Библов. Референдумот требаше да се одржи на 17 јули.

Гаглоев, исто така, укажа на „непопустливост на едностраната одлука на референдумот на прашањата кои се однесуваат на правата и легитимните интереси на Руската Федерација“. Тој сепак повика без одлагање да бидат одржани консултации со руската страна околу прашањата кои се поврзани за поголема интеграција на Јужна Осетија со Руската Федерација.

Властите на Јужна Осетија на 13 мај соопштија дека Анатоли Бибилов потпишал указ за одржување на референдум повикувајќи се на „историските аспирации“ на жителите на оваа област да се придружат кон Русија, со која се граничи областа.

Бибилов не беше повторно избран за претседател на изборите во оваа област на почетокот на мај и Русија изрази надеж дека неговиот наследник Гаглоев ќе обезбеди „континуитет“ во односите со Москва.

Јужна Осетија беше во центарот на руско-грузиската војна во 2008 година по која Кремљ ја призна нејзината независност како и независноста на Абхазија, уште една грузиска сепаратистичка област, и таму постави воени бази.