امریکہ کی طرف سے کیوبا میں چینی جاسوسی اڈہ ہونے کی تردید

کیوبا کی حکومت اور وائٹ ہاؤس نے معروف اخبار وال سٹریٹ جرنل کی اس رپورٹ کی تردید کی ہے، جس میں کہا گیا تھا کہ ہوانا اور بیجنگ  امریکی ریاست فلوریڈا کے جنوب میں تقریباً 160 کلومیٹر کے فاصلے پر کیوبا میں ایک چینی الیکٹرانک جاسوسی نظام قائم کرنے پر راضی ہو گئے ہیں۔

لاطینی امریکی دورے کے اختتام پر چینی صدر کیوبا میں

اخبار نے کہا تھا کہ اگر یہ سچ ہے تو یہ، ملک کے جنوب مشرقی علاقے میں قائم کئی امریکی فوجی اڈوں کے قریب ایک جاسوسی اڈہ بیجنگ کو الیکٹرانک مواصلات جمع کرنے اور جہازوں کی آمد و رفت کی نگرانی کرنے میں معاونت کرے گا۔

کاسترو کی صحت میں بہتری کے آثار

وال سٹریٹ جرنل نے یہاں تک کہا کہ چونکہ لاطینی امریکی ملک کیوبا کو نقدی کی شدید قلت ہے اس لیے یہ معاہدہ ''کئی ارب ڈالر'' کے عوض طے پایا ہے۔

چین کے مقابلے پر بھارت، امریکہ دفاعی تعلقات میں اضافے پر زور

تاہم کیوبا کے نائب وزیر خارجہ کارلوس فرنانڈیز ڈی کوسیو نے اس رپورٹ کو من گھڑت قرار دیتے ہوئے، اسے ''ایک مکمل بدتمیزی اور بے بنیاد'' بتایا۔

ہنری کسنجر کے سو سال اور پاکستان سے جڑی یادیں

انہوں نے اس بات پر بھی زور دیا کہ ان کا ملک لاطینی امریکی خطے میں امریکہ سمیت موجود تمام غیر ملکی فوجی اڈوں کی موجودگی کو مسترد کرتا ہے۔

دنیا کی مشکلات میں گھری معیشت کو چین ایک بار پھر کیوں نہیں بچائے گا

امریکی حکومت نے کیا کہا؟

وائٹ ہاؤس کا کہنا ہے کہ وال اسٹریٹ کی رپورٹ ''درست نہیں ہے۔'' وائٹ ہاؤس میں قومی سلامتی کونسل کے ترجمان جان کربی نے خبر رساں ادارے روئٹرز کو بتایا کہ امریکہ کو اب بھی چین اور کیوبا کے قریبی تعلقات کے حوالے سے ''حقیقی خدشات'' لاحق ہیں، اور اس پر کڑی نظر رکھی جا رہی ہے۔

امریکی محکمہ دفاع کے ترجمان پیٹرک رائیڈر نے بھی اس رپورٹ کو مسترد کر دیا۔ انہوں نے کہا، ''ہمیں چین اور کیوبا کی جانب سے ایک نئی قسم کے جاسوسی اسٹیشن تیار کرنے کے بارے میں کچھ نہیں معلوم ہے۔''

سینیٹ کی انٹیلیجنس کمیٹی کے اراکین، جنہیں اکثر سکیورٹی کے اہم معاملات پر بریفنگ دی جاتی ہے، کا کہنا ہے کہ وال اسٹریٹ جرنل کی اس رپورٹ نے انہیں ''بہت پریشان'' کر دیا۔

ڈیموکریٹک سینیٹر مارک وارنر اور ریپبلکن مارکو روبیو نے ایک بیان میں زور دیا کہ امریکہ کو چین کی جانب سے، ''ہماری قومی سلامتی  پر ڈھٹائی سے کیے جا رہے حملوں '' کا جواب دینا ہو گا۔

انہوں نے مزید کہا کہ ''ہمیں واضح کر دینا چاہیے کہ فلوریڈا اور امریکہ کے 100 میل کے اندر چین کی جانب سے انٹیلیجنس سہولت قائم کرنا ناقابل قبول ہو گا۔''

تاریخی پس منظر کیا ہے؟

گزشتہ کچھ مہینوں سے واشنگٹن اور بیجنگ کے درمیان تناؤ بڑھتا جا رہا ہے، خاص طور پر تائیوان اور اقتصادی مسابقت جیسے مسائل کے تعلق سے کافی کشیدگی پائی جاتی ہے۔ رواں برس کے اوائل میں، امریکہ نے اپنی فضائی حدود میں ایک چینی جاسوس غبارے کو مار گرایا تھا۔ تاہم بیجنگ نے اس بات کی تردید کی کہ غبارہ کسی نگرانی کے مقصد سے تھا۔

چین کی طرح کیوبا بھی ایک کمیونسٹ ریاست ہے، جس کے ساتھ امریکہ کے تاریخی اختلافات رہے ہیں۔

سن 1962 میں سرد جنگ کے دوران کیوبا ایک ایسا ممکنہ مقام بن گیا تھا، جس سے متعلق یہ خدشہ پیدا ہو گیا تھا کہ شاید واشنگٹن اور ماسکو براہ راست تصادم کے بہت قریب پہنچ گئے ہیں۔

اس زمانے میں سوویت یونین نے اپنے اتحادی لاطینی امریکی ملک کیوبا کی سرزمین پر اپنے میزائل نصب کر دیے تھے اور ان کے رخ  امریکہ کے جانب تھے، جسے واشنگٹن نے سختی سے مسترد کر دیا تھا۔ اس تنازعے کو کیوبا میزائل بحران کے نام سے جانا جاتا ہے۔

اس بحران کو اس طرح بھی دیکھا جاتا ہے کہ اس وقت دونوں ممالک ایک دوسرے کو اپنے جوہری ہتھیاروں کو استعمال کرنے کی دھمکیاں بھی دے رہے تھے۔

ص ز / ج ا (روئٹرز، اے ایف پی)