Nawaz Sharif ya koma Pakistan

Bayan shafe tsawon shekaru yana gudun hijira a Burtaniya da birnin Dubai na Hadaddiyar Daular Larabawa, tsohon Firaministan Pakistan Nawaz Sharif ya koma gida yau, inda ya sauka a filin jirgin saman garin Lahore daga wani jirgi mai saukar Ungulu. Dubban magoya bayansa ne dai suka dafifi domin tarbarsa a kan manyan hanyoyin gari, dauke da tutocin da ke da launin kore da ruwan dorawa da kuma hoton damusa a jiki, suna yi masa maraba bayan cincirundon da suka yi tun daga filin jirgin saman zuwa gefen titunan.Tun a cikin shekarar ta  2017 ne dai aka kawar da shi daga mukaminsa tare da haramta masa shiga siyasa har abada, sakamakon samunsa da laifin cin hanci da rashawa, kuma yana kurkuku ne a shekarar 2018,  ya nemi izinin zuwa ganin likita a Burtaniya, daga nan ne ya yi kememe ya ki komawa Pakistan don karasa zamansa na gidan Yari.